CÒMHRADH
DEALBHAN
A' Bhuidheann againn
Tha ar amasan mar a leanas:
- A bhith mar guth na coimhearsnachd Ghàidhlig anns na sgìrean ionadal
- A cuir air adhart fiosrachadh mun chànan agus a leasachadh uidh ‘s pàirteachas anns a choimhearsnachd
- A bhith ag obair còmhla ri bhuidnean eile, ionadail agus nàiseanta, airson a’ chànan adhartahadh
- A’ brosnachadh Gàidhlig mar cànan làitheil
- A toirt taic agus brosnachadh gu daoine a tha ag iarraidh barrachd fiosrachadh ‘s eòlas faighinn
Bidh sinn a cur air dòigh prògram de thachartasan sòisealta agus oideachail tron bhliadhna airson ar amasan a thoirt gu buil.
Ged a tha mòran dhaoine a smaoineachadh gu bheil na h-eileanan agus a’ Ghàidhealtachd an aon àite far a bheil a’ Ghàidhlig fhathast beo, ‘s e an fhìrinn a th’ann gu bheil a mhòr chuid aig a bheil Gàidhlig a fuireach taobh a-muigh na sgìrean seo. An-dràsta, tha mòran dhaoine le Gàidhlig a fuireach ann am Meadhan na h-Alba, gu h-àraidh ann an Glaschu agus Dùn Eideann. A rèir a’ chunntas-sluaigh 2001 bha còrr is 3700 daoine le comasan anns a’ chànan anns na sgìrean againn fhèin.
O’ chionn fhada, tha an Abhainn Chluaidh air a bhith an ceann-uidhe no àite-fhagail airson muinntir na Ghàidhealtachd nuair a bha iad a siuibhal eadar na h-eileanan agus an Tìr Mòr no nas fhaide air falbh – a dh’ Aimeireaga, Canada, no tìrean cèin eile.